鋒芝為Lucas「復合」賀生日

lwl2007

有份幫好友栢芝湊仔的化妝師Rick Chin，昨日出席活動時透露，正跟栢芝經理人籌備Lucas的4歲生日會，並指栢芝已請定假返港。問到會否與霆鋒分上、下半場慶祝，他說：「應該唔會。（請謝賢同狄波拉出席？）要要要！不過未打電話通知，等知道時間、地點先。（咁遲通知，唔怕被指冇誠意？）其實尋日先同栢芝通電話，知佢攞到假。（邊個搵謝賢同狄波拉？）大家一齊夾。」

此外，對於有傳栢芝拒簽字離婚，令霆鋒焗「守齋」一年，Rick Chin說：「未聽聞過。（栢芝唔想離婚？）呢樣要問番佢，我個心梗係想佢哋一齊番，我都想佢個心同我嘅心一樣，但唔係o架嘛！」至於有指霆鋒禁栢芝私自帶兩個寶貝仔離港，Rick Chin說：「應該唔會咁嘅。」
                                                                                                                                            
早前因掛念孫仔而愁眉不展的狄波拉，有機會陪Lucas過生日。


                                                                                                              
Rick Chin透露即將入學的Lucas，趁暑假返Playgroup嬉戲。