任達華赴長白山鬥甄子丹 無懼內地疫情

小魔女

甄子丹自導自演的動作電影《3D冰封俠》拍得如火如荼，雖然一直未獲政府有關方面支持，但劇組仍堅持趕上拍攝進度，並將於日內赴長白山拍攝外景，甄子丹、任達華等人均無懼內地疫情嚴重，拉隊登上雪山決戰到底，日前在片場慶生的華哥笑說：「做足防疫措施囉，唔驚得咁多！」
　　投資逾億元人民幣的動作電影《3D冰封俠》開拍至今一波三折，有傳多得蕭若元過火言論激嬲中共，令電影拍攝進度受阻，大局為重，蕭定一即時舉手投降，退出唔玩，好讓電影可繼續進行，可惜政府有關部門仍拒絕借出青馬大橋、警察總部等地拍攝，拍門無反應，劇組唯有多使三千萬在舊機場搭建青馬橋，還碌爆卡向張智霖私借林寶堅尼拍攝追捕場面，夠架勢。
　　怨爆政府無幫手
　　日前，導演羅永昌在片場為任達華慶生，對突如其來的驚喜，華哥笑開懷，邊切餅邊怨爆政府說：「生日願望係身體健康，人人開心，更希望政府能多點支持香港電影製作，不要只優待外國電影團體，這部電影的製作很認真，劇組和演員理念一致，就係把香港電影發揚光大，政府唔可以當睇唔到無幫手。」華哥笑言深知子丹做事認真，故早已買重保險兼狂操腹肌體能，以便應付大堆頭的動作場面。
　　說到華東地區H7N9禽流感疫情進一步擴散，將跟甄子丹和內地演員王寶強赴長白山開工的華哥，坦言會做足防禦措施，他說：「我剛在長白山拍攝另一部電影回來，那邊環境還可以，其實都唔驚得咁多，上雪山就要自己小心唔好冷病，會帶齊裝備。」
　

　劇組花三千萬在舊機場搭建青馬橋景。

  

導演羅永昌在片場為任達華慶生，令達哥笑開懷。  說到華東地區H7N9禽流感疫情，華哥坦言唔驚得咁多。