Janice Man暗示甩拖

lwl2007

模特兒文詠珊（Janice Man）和歌手李治廷前晚出席活動時，被問到與男友的關係，Janice Man竟支吾以對：「唔知、迷惘中。」等含糊字句，似乎關係「凶多吉少」！

前晚Janice Man、李治廷、楊洛婷和鍾浠文等出席活動，宣傳新款行李箱。Janice Man表示早前因為新戲延期，故去了歐洲玩兩星期：「去咗倫敦、巴黎、巴塞隆拿，食咗好多嘢，肥咗。」她透露與朋友同行，問到男友有否相伴，她說：「冇呀！都冇，同一班朋友都好玩o架！（你唔係有男友咩？）冇呀！（依家單身？）唔知，迷惘中。（分咗手？）唔好講呢啲，做嘢先！」她全程支吾以對，似乎與男友關係複雜，令人懷疑她經已甩拖。
李治廷米蘭吔生牛扒
而李治廷透露早前去了米蘭工作，當中「最勁」的經驗是吃了一塊全生牛扒：「好好食，但問番原來係好危險，我就冇肚痛，但大家都唔好試喇！」此外，他表示近期拍攝很多廣告，當中有一個電器店的廣告，採用了他創作的歌做主題曲，十分開心。另外，李治廷下月將拍攝新戲，同時也開始製作新碟：「之前做新人有多啲時間，可以喺屋企做隻碟，今次唔得喇！期待向雷頌德、陳奐仁學習。」
                                                                                                                                              
Janice Man講起男友時支吾以對，看來關係危危乎！

                                                                                                              
鍾浠文悉心打扮出席活動。

                                                                                                              
李治廷及Janice Man獲贈新款行李箱。