12行業之禁忌...

星河

棺材鋪
開棺材鋪就梗係唔老禮,最緊要既兩個禁忌, 就係；
1)一定要係日落之前收工, 廢事o的遊魂野鬼走入o黎啦。
2)一定唔可以貪得意訓棺材, 生人訓死棺, 你o地話又幾唔老禮喇。俾錢都唔制啦。

記者
通常出意外既人都血跡斑斑,面目全非架啦,聽講話記者去到意外現場,千其唔可以講好核突呀, 對死者or 意外者不敬既說話,如果唔係佢a真係會跟住你。

空姐
以前既空姐通常都會養龜,寓意『歸』來既意思,因為好多時佢a身在外地, 客死異鄉就唔好啦。

理髮鋪
理髮鋪這行最多係乜？鏡也！
中國傳統, 鏡不祥也,如果你唔小心打破鏡, 我外婆話衰一年 。所以舊既理髮鋪收工之前, 都會將毛巾cover 哂所有既鏡先會收鋪。就係廢事俾的鬼走入去。

警察
我諗好多人都聽過喇。就係無論點都好, 晚上行必 , 千其唔可以除帽。所以你地睇佢a追賊都係按住頂帽去追架。
點解關頂帽事？聽講話帽頂頂花, 好大殺氣, 無鬼夠膽攪你。
仲有就係係兇殺案現場, 都會莊住香先。
等被害既『人』幫下手, 等佢可以沉冤得雪。

演員
如果演員要拍死既戲,拍完之後就一定要囉利是,囉既時候導演仲要同你講, 『做戲既姐~』
廢事的鬼信以為真, 咁你就大件事lu

導遊
帶團通常最多時間同團友一齊既時間就係係架巴士度。
係巴士度, 導遊就梗係吹下水, 唱下歌, 講下鬼古。但聽講話如果去緊一間酒店既journey就唔可以講果間酒店既鬼古。
因為0的酒店閑閑地幾百年歷史,覺得你對佢不敬就唔好啦。

搭棚
唔好睇小依個行業呀,好多裝修重建都係要搭棚架。搭棚師傅成800蚊一日, 開足工幾皮o野一個月架。
原來搭棚既竹, 分新竹同舊竹。所有臨搭棚既竹, 都要莊香拜過1日1夜先可以上棚。 如果唔係就好容易會有意外咁話。

巴士司機
好似係車廠出車之前, 響一次大『安』目的都係叫0的朋友仔落車, 俾0的晨光第一線照親就唔好啦。

救生員
老一輩既救生員, 都覺得有人遇難,除左泳術唔掂之外, 都會覺得係水鬼作怪。
如果佢a救左一個人上水, 就算真係無左氣都好,都要係佢a耳邊不停講,『你未死架, 你都未斷氣, 快的醒番之類既說話』,目的就係想等0的水鬼信以為真, 離開遇難者。咁佢a就可能會救得番。

騎師
騎師既禁忌呢~~~就係騎師裝束上任何一樣野都唔可以『掛』,尢其尢其係對掛鞋(音-her),掛her 即係retire, 離開馬場也。
聽講話幾年前有個好出名既騎師唔信邪,掛左對her , 之後一落埸隻馬突然癲左個騎師跌左落馬, 斷左條大骨從此係馬場上拜拜。

仵作
乜野係仵作, 仵工？ 拿, 每當的人死左, 都有人黎收拾條『鹹魚』架.仵工, 就係果0的咁偉大既人。
佢a仲有一樣野做, 就係將的舊既『鹹魚』係棺木度囉起上黎, 削骨去肉, 之後去入金塔呀or 入火化, 再放係骨灰堂恭放。呢的咁敏感既行業, 細既禁忌講三日都講唔哂, 咁我不如講個最緊要既禁忌俾大家聽。
就係無論點都好唔可以唔見左『人地』身體既任何一塊骨。如果唔係就會得到同樣既報復。
我個朋友話, 有個仵工唔小心唔見左『人地』個下巴。又唔向『人地』say 個大sorry , 之後一個星期發生交通意外, 成個身一個傷口都無, 剩係撞(luck)o左成個下巴, 你地話得唔得人驚？我聽到心都寒哂~~~~~~~