葉翠翠變戀愛顧問勝在口密

lwl2007

單身多時的葉翠翠，竟然是朋友眼中的愛情專家，聽落有點矛盾，但事實上自參選港姐入行後，她在壓力下成長，思想比同輩成熟，加上性格口密，難怪朋友都安心向她訴說心事。

葉翠翠當年看電視，聽到郭羨妮一句：「參選香港小姐改變你一生。」繼而交報名表參選，順利成為2005年香港小姐冠軍，相隔多年，自嘲思想變得老積的翠翠說：「做藝人係壓力大，但亦都可以加速成長，幫到自己變得成熟，喺娛樂圈一年，成長速度可能等於普通人五年，同其他同齡嘅朋友比較，都覺得自己老積o架！」

身為師姐，翠翠寄語今年有志參選港姐的女士要有心理準備承受外間批評及壓力，她覺得現時的候選佳麗要EQ高，參選期間最好避免看報道，只專注比賽做好自己，壓力自然大減。

溝通最重要

在披荊斬棘中成長，翠翠自覺思想遠較同齡朋友成熟，加上她性格口密，漸漸成為朋友眼中的「愛情專家」，為友人解決感情問題，她說：「自己個電話好似變咗感情熱線咁，好多女仔朋友都打嚟傾吓佢哋同男友嘅事、返工遇到嘅問題。」她更笑言，其中有八九成的Case都幫到友人解決：「都係教吓佢哋應該點樣相處，多數問題都係溝通唔夠，唔識表達啫！」

                                                                                                                               
翠翠認為參選港姐期間難免遇上風高浪急情況，但所得必定比失去的多。


                                                                                                              
葉翠翠早年曾與李逸朗傳緋聞，但無疾而終。


                                                                                                              
單身多時，葉翠翠不心急拍拖，靜待真命天子。


                                                                                                              
選美入行後，翠翠曾參演多部劇集。