伊健承諾：末日前娶YoYo

小魔女

鄭伊健的婚期近日被炒得火熱，他堅稱未落實日子，剛巧片中「老婆」蔡卓妍（阿Sa）亦暗示短時間內無意再婚，十年再「重逢」的二人似對婚姻有所恐懼！伊健雖承諾末日前會結婚，但為轉移視線，竟不惜拖好兄弟古巨基落水，結果惹來噓聲不絕！
鄭伊健、蔡卓妍（阿Sa）、鄭欣宜、徐正曦及趙碩之等，前晚出席寰宇新片《我老婆唔夠秤2之我老公唔生性》煞科飯局，場面熱鬧。伊健的婚期近日被傳得火熱，令他成為新聞人物，更被阿Sa踢爆有備而來：「佢（伊健）嚟到就同我講『佢哋（指記者）又問o架嘞』。」
拖基仔落水做老襯伊健談到與女友蒙嘉慧（YoYo）的婚期例牌否認傳聞，又叫大家不要追問，若「事成」他定必公告天下；不過當記者鍥而不捨與他繼續「糾纏」，伊健竟衝口而出謂：「世界末日前啦！（今年12月？）冇話一定今年係末日喎，你哋成日提住會破壞我計劃o架，大家以為我攞人生大事嚟宣傳。（梁詠琪話祝福你？）係真先再恭喜啦。」伊健更不諱言因感環境不適合生育，故暫無意當爸爸。當提到好兄弟古巨基想他趁演唱會公布婚訊，伊健即謂：「我等佢先，不過佢都冇女朋友。」由於基仔早已有半公開的女友兼助手Lorraine，伊健擺明趁機轉移視線，結果此語一出，即換來噓聲四起！
[tr][/tr]


伊健與阿Sa談到再合作一事滔滔不絕，但一談到結婚話題就明顯抗拒，十分搞笑。


「老拍檔」伊健與阿Sa率片中演員出席煞科飯局，人才濟濟。


YoYo
加插床上濕身橋段其後換阿Sa做訪問，有記者打趣叫她爬伊健頭公布喜訊，阿Sa聞言笑謂：「唔係嘛？啱啱先咩……咁快又咩？」暗示短時間內無意再婚。談到事隔十年再與伊健合作，她忽然眼紅紅地感觸謂：「其實私底下冇乜聯絡，估唔到一埋位就互動，有場戲講我求佢唔好離開我，排戲時大家已經聲淚俱下，好似經歷咗一啲事咁。」阿Sa又自爆經常整蠱伊健，包括「加戲」安排對方在床上濕身，故今次合作相當愉快。
文：影視組

伊健大方表示末日前會結婚，相信其女友YoYo應該飲得杯落。