咱是陳小肥

139/46073

傳說: 60 年代, 新口岸海堤重有漁民係度鑿蠔

生活會變成記憶, 慢慢記憶會變成懷念, 跟著懷念會變成歷史, 然後歷史會變成傳說, 最後傳說會變成神話

返寫字樓，就俾會計師逗。

煲係屋企咩，重大鑊；老竇係度。

於是，就出街行；又於是，每日最重要　ge　就係早午晚食咩。

每日最煩惱　ge　就係早午晚三餐之間做咩。

有人會問，過大海唔得咩。

呢哪，就係唔得，澳門個邊　d　話事人，差唔多個個識佢老竇；一萬幾千籌碼，醒你又如何，任你賭。

文狄一入門口，即刻蝠鼠吊金錢咁調住。

轉頭已經重要搵隻　fit 馬傍住，一見文狄輸曬　d　泥碼，即刻封檯兼拉佢去 daap 骨食翅，然後護送回港。

喂，長貧難顧喎；咩　je，你打鑼打鼓咁送個仔返歸，著數　Sir　自然識做人，有來有往啦。

結果，文狄就做左街童，日日係街處遊離浪蕩。

咱是陳小肥

140/46693

話說，有日，文狄油雞到某處，經過間衣紙舖門口，唔覺意撞跌用附薦袋裝住　d　金銀。

事頭婆見到，就由舖尾喝出黎，跟住衝出舖面，一路衝一路鬧。

文狄多年少爺，何曾被人咁鬧過，潑婦罵街喎，小野架。

反唇相譏自不然無可能，文狄唯有調頭就走。

走避左幾條街，文狄越諗條氣越唔順。

諗話返轉頭還拖，幾大就幾大；面咩子呀，橫掂老竇唔睇自己檯戲，通街都知自己係廢柴。

返到衣紙舖，哈，事頭婆竟然係舖入面招呼緊人客。

文狄本來上破口大罵，點知諗極都諗唔到點鬧。

突然之間，鬼迷心竅，計上心頭。

咱是陳小肥

141/47348

於是，神推鬼使，拿起個附薦袋，轉頭就走。

嘩，真係九秒九，無鞋都要挽屐走。

一路跑，個心肝仔就一路亂跳。

但係 …

咦，奇怪勒 …

點解 …

咁　ge　 …

咩感覺呢 …

係啦，好刺激呀，好有成就感　．．．　．．．　．．．　文狄，文狄卒之夠膽還拖呀，報到仇啦，唔係咩都做唔到呀。

於是，文狄好開心咁返公司。

坐低，會計師一敲門；文狄：有野你自己　ja　主意，支票放低，簽好俾返你。

文狄跟住話：naan 腩返出去。

嘩，信心氾曬濫，直頭用左保路司咁。

咱是陳小肥

142/47742

一段時間之後，文狄等緊司機黎車佢去著數 Sir　主持　ge　慈善拍賣會。

突然覺得周身唔自在，交抵話出去賣 d　野；一陣自己去拍賣會。

跟住，文狄又神推鬼使，去左一個好多化妝品公司　ge　地方。

無須多言，佢，即係阿文狄，又再一次得到刺激同成就感。

而且，重隱隱然有一種好特別　ge　感覺　－　若果老竇知道自己偷野會點。

又或者自己偷野被人拉左，老竇又會點。

個晚，文狄準時到達拍賣會。

臨尾，重捐左兩支唇膏出黎做慈善拍賣。

咱是陳小肥

143/48386

又一段時間之後，阿　Sir　去左外國參加國際會議。

文狄突然又師傅到。

今次係間百貨公司；佢老竇　d　麻雀腳開　ge　公司。

今次係兩條絲巾。

今次唔好彩勒，一袋入西裝袋，就被見習售貨員見到；即場斷正。

自然驚動保安，百貨公司位太子落到保安室，一睇，當堂嚇一跳。

太子：世兄　．．．　，咁錯蕩呀。

咱是陳小肥

144/49104

太子立即轉頭同班伙計話：無野勒，其他人出去做野啦。

保安主任醒水勒；出去前提左句：太子哥，警察黎緊。

太子跟住就問見習發生咩事。

見習講完，太子就話，得勒，妳轉做長工啦，唔使試用啦，不過，記得唔好多嘴。

太子：呀，重有，現在開始放一個禮拜有薪大假啦；公司獎勵妳　ge。

太子：世兄　．．．　你　．．．　你黎開下玩笑，試下敝公司　ge　防盜呵。

咁　ge　環境，自不然係小事化無啦；但係，著數哥就知道文狄兼職做神偷，文狄就被著數哥鬧到七個一皮。

咱是陳小肥

145/49772

又一段時間之後，阿　Sir　準備接受　d　名譽乜乜，係接受前個幾日，文狄又身痕勒。

哩次，又係百貨公司；但係，係一間同著數哥無咩　la lang　ge　百貨公司。

哩次，係三個口琴。

哩次，係售貨員嬸嬸。

哩次，真係俾人　“塔”　返差館。

只見文狄被嬸嬸逮住開始，就不停 biu 冷汗同埋面清唇白。

嬸嬸睇見佢咁，不禁同情心大起，連隨向主任替佢求情。

主任話唔會輕易放過哩　d　牛鬼蛇神；同埋，最重要　ge　，自己個鐵飯碗。

一聽到鐵飯碗三個字，嬸嬸立即收皮；合理　ge，人之常情。

咱是陳小肥

146/50289

文狄等緊警察黎，首先諗到：老竇無端端接受咩名譽乜乜呢；成日做埋　d　無謂野。

坐左係雜差房，文狄就係度諗：今日做咩出街呢，做咩入黎哩間野呢，做咩今日唔睇通勝呢，總之就好多　．．．　做咩今日唔咩呢。

最後，文狄就係個心度諗：過到哩關，以後都唔會啦。

嘩，個晚差館就大檸樂啦；成隊老狀入黎，然後又成班荷蘭水蓋打電話入黎。

攪到幾個大　Sir　要即刻返黎坐陣，睇住個場。

個晚，膊頭無返個蘋果　ge 都叫做低級警務人員。

咱是陳小肥

147/50506

個日，文狄就嚇到鼻哥濃窿都無肉，震過貓王，爭　d　心臟病發。

無啦，人贓並獲，百九幾人見住；邊個黎都無偈傾，照落　charge。

唔使問，上庭前又成班大細狀，重出買精神科，心理科，成疊求情信。

求情信，求情信用黎做咩。

用黎認罪之後求情羅。

小肥你呃大家膝頭哥唔食辣椒醬呀，大把身家，後面成個狀師團，點解唔打；d　人成日話打官司係有錢人　ge　遊戲。

官司唔係咁打 ge。

即場斷正，又有生口，有無口供都係難打。

何況，一打官司，就真係通曬天。

雖然個時八卦雜誌唔係咁興，但係名人效應一樣係存在。

無他，哩樣就係大多數人　ge　本性　．．．　憎人富貴厭人貧，你大把錢呀哪　．．．。

圈內班人　．．．　驚條毛，你做唔做著數哥同著數哥班叔伯兄弟　ge　生意呀。

背後點講理唔到，總之就唔好俾著數哥收到；所謂無　xx，乾淨　x　就係哩庭勒。

真係抗辯，上唔上去俾口供好。

唔俾，好多野解唔到畫俾。

俾，俾人鋤散，越爆越多點算。

白手，認衰，求情，背景夠厚，唔通真係為左幾支口琴判你坐咩；最多有案底。

咱是陳小肥

148/50635

又一段時間之後。

阿　Sir　檔野準備係某埠　grand opening。

阿　Sir　準備羅埋條該埠市政府頒 ge 鎖匙；做其名譽市民。

哩煲係某百貨公司，化妝品部 ge 護膚鹼。

哩煲個過程無咩特別。

哩煲　．．．　特別在　．．．　文狄，由頭到尾，定過抬炸彈。

一俾　sales　姐 gaap 到，文狄即刻　surrender　重兼舉手，又示意唔會反抗。

跟住，同間店舖 d 員工講；叫人地俾個地方佢坐，唔好阻住貨場做生意。

靜靜地坐度，玩下手指，等警察黎。

咱是陳小肥

149/50711

警察黎到，文狄主動提供一切個人資料之外，重識得話會 “唔想講其他野”。

去到 CID；問人羅杯茶，然後靜靜地左坐嚮度。

期間有個　CID　問伙計番鹼英文點寫；文狄重好　helpful，話番鹼英文叫　soap，S　．．．O　．．．A　．．．P　．．．。

真係俾佢吹到啤一聲。

成個過程，有句說話不停係文狄個腦度出現　．．．　阿爸特登要做名譽市民　ge。

上法庭，過程，牌頭全部例牌照舊，又係人馬疊疊，people mountain people sea。

又係好彩勒，上次罰錢；今次援刑 (因為有班大袋話會幫手睇實，唔俾佢行差踏錯)。

班大袋肯咁做，因為睇著數哥。

著數哥肯撐住，因為佢信自己個仔唔係壞人。

但係，著數哥唔傻得曬。

咱是陳小肥

150/50840

有病，除左睇醫生，重要搵人睇住。

咪餐餐上差館法庭，真係貪馨香咩。

於是，著數哥搵人請左幾個保鏢，廿四小時跟住文狄。

著數哥又搵人同所有大形百貨公司打過招呼，開埋記賬戶口。

鞋，父愛真係偉大。

但係, 父愛幾偉大都未必有用，因為　．．．

咱是陳小肥

151/50890

因為，道高一呎，魔高一丈；何況係心魔呢。

雖然著數哥一直相信文狄唔係一個壞人。

但係，著數哥唔係老糊塗。

事實上，文狄　ge　行事軌跡十分明顯　．．．　著數哥有親　function，文狄就會黎料。

某天晚上，著數哥會去接受某名譽博士銜頭。

著數哥叫左文狄成晚係屋企哺蛋。

又叫左保鏢死人都唔好俾文狄出街。

著數哥估話應該無踩屎啦哩次。

著數哥真係驚黎多次，文狄真係要洗定八月十五勒。

本來唔想去做咩博士，都係一句　．．．　人在江湖　．．．　有得揀咩。

點知，道高一呎，魔，竟然真係可以高一丈。

著數哥出外之後，文狄條粉腸詐肚痛，引左兩個　body guard　入廁所。

然之後將佢地兩個反鎖係廁所入面。

跟住就一支箭咁　biu 左出街。

一路 biu　就一路喊。

一路喊就一路稟神：你要風光就要鎖起個仔。

天地良心，著數哥何曾有過咁 ge　想法。

相對黎講，設身處地，亦難免文狄誤會。

正如俗語話齋：無冤不成父子呀。

咱是陳小肥

152/50992

一路喊，一路跑。

一路跑，一路稟。

稟下稟下，傻下傻下，唔知點解落到某條街。

又唔知點解手到　ja 住個枕頭袋。

呀，梗係頭先衝出黎　ge　時間，係花園個晾衫架度拉落黎抹面架勒。

咦，乜解究得咁口渴　ge　。

咦，有間　super market　喎，入去搵野飲。

入到去　super market，無咩人係到 (個時　super market　重係好新鮮　ge　洋玩意)。

Super market　新到，惠康都重係叫大利連，剩係得海運中心跟銅鑼灣兩間舖。

無人　．．．　，真係無人　．．．；文狄突然間失控。

佢係個飲品架都係咁掃野落個枕頭袋。

一路掃，重識左望右望，睇下有無職員，自己做埋天文臺。

裝到個枕頭袋滿一滿。

納完野，me 住個袋，轉身就走；成個聖誕老人咁款。

一出左門口，後面有人搭佢膊頭。

擰轉頭一望，係個神高神大　ge　印巴籍男人。

個男人話：聖誕老人，你多多無好人呀。

咱是陳小肥

153/51076

鞋，真係好衰唔衰，望清望楚，係見唔到有職員呀。

但係，有顧客架嘛。

拉佢哥個男人重係休班監獄署幫辦，剛剛係度　shopping　緊。

本來，一直以黎，文狄都好合作，絕對唔會發生　d　非理性　ge　逆擊行為　(簡稱反抗)。

今次唔知癡左邊條根，被人拍膊頭個下，文狄竟然彈句　．．．　關你差事呀。

嘩，沙膽羅，指住個印巴籍，用個差字。

有偈傾，都變無偈傾啦。

舖頭唔想多事，幫辦都唔肯個你。

阿　Sir　同所有大百貨公司打曬招呼，點都諗唔到都係百密一疏，個仔會口渴。

其實，諗到又點呀，通街都有野好偷，保得幾多呀。

連保鏢都鎖起，哩係自作孽，不可活呀。

於是，又係　bing ling boom lam　搵律師啦。

唔係，今次　bing ling boom lam　唔到。

點解，原來幫開手個班律師，大律師，又都已經睇通文狄條水。

有錢大曬咩，唔使放工架，唔使泡妞呀，一個唔覺意，又要係差館陪文狄坐通宵。

推生意就話唔好　je；你搵阿啦唔到，就唔關阿事啦。

於是，個個唔聽電話。

真個係神憎鬼嫌呀。

咱是陳小肥

154/51202

神憎鬼厭 (sorry, 上集用錯左個 “嫌” 字) 又如何，最緊要有個有錢　ge　老竇。

有個有錢　ge　老竇同有個有錢　ge　老婆一樣；起碼小奮鬥十九幾年　．．．　

Sorry，小肥　ge　意思其實係小奮鬥廿年　．．．　四捨五入或者叫　round up　嘛。

當文狄係　CID　大房，ja住杯茶，on　十十咁望住把風扇葉係度轉之際。

(註：無錯，你部機無事，小肥無打錯，係　10　10；如果重唔明，請參考　–　on dock dog)。

突然，有個伯父出現，慢慢咁行入雜差房。

個伯父大約五呎七八上下，瘦瘦削削　(同李海泉或者許英秀外形差唔多)。

佢慢慢行埋文狄度，跟住就兜個菱角鑿落去。

文狄當嘩一聲。

有個新扎師兄見狀，立即起身；用曬助語詞係到話：你買條　xx，夠　x　薑，黎差館　．．．

新扎師兄都未講完，隔離個咩渣已經一手拉住佢：細路，你賣棺材唔知掟就你死你事，唔好累街坊呀哪。

嘩，唔通阿　Sir　搵人做文狄世界，一劑斷尾。

轉頭就聽到個個伯父鬧文狄：你個加爛竇，幾時先生性做人呀你。

原來阿蛇摷唔到　d　細　ge　；咪搵個大羅。

有個封左爵　ge　御狀，係著數哥幾廿年老死。

呢，之前幫手班狀，無論大細御用，都係爵爺　d　徒子徒孫。

爵爺重係阿文狄個　god-father　添。

個伯父咪就係爵爺羅；所以咁肉緊哩。

咱是陳小肥

155/51412

抱歉，因為工作關係，又因為現在的情節沒有存稿，現炒現賣，所以停左兩日。

2013-12-4 (星期三)

文狄剛剛食完個菱角。

老屎忽剛剛拉住熱血。

就見魁頭大　Sir　陪伴著數哥行入黎雜差房。

新扎師兄即刻口maak maak 兼呆一呆。

然後 ning 轉頭，好白痴咁望住咩渣。

順便再提提，咩渣通常係指要著制服個　d。

唔使著制服個　d　(即係雜差)　咩渣，通常係叫　“探長”。

咩渣用眼神指住著哥：哩個大袋成日見報，你識啦。

新扎師兄：係呀，猛人黎，成日出入督爺府。

咩渣再用目光望向個伯父：哩個重猛呀，傻仔。

新扎師兄：下　．．．　．．．

咩渣：哩個成日出入首相府呀。

新扎師兄立刻萎縮：咁　．．．　咁　．．．　咁　．．．

咩渣都費失是理條豬春，迅即笑口淫淫迎上去大　Sir　度：good evening sir。

大　Sir：俾間房兩位阿　Sir　用下。

新扎師兄更驚：下　．．．　阿　Sir　叫阿　Sir　．．．。

新扎師兄又自言自語：希望爵爺聽唔到啦；唔係就踩屎啦，哩淌；守硬水塘啦。

真係守水塘咁簡單。

2013-12-5 (星期四)

係間細房入邊　．．．

文狄　．．．　坐左係度。

著數哥同爵爺企係窗邊細細聲斟野。

著數哥：爵哥　．．．

爵爺：對有　d　人黎講，有兩個選擇。

著數哥：．．．

爵爺：第一，打官司；搵個休班鎖匙佬拆掂佢。

爵爺繼續：屈頭先條青頭仔打實個衰仔。

所以小肥頭先話：真係守水塘咁簡單。

爵爺再話：親自上去砌，點都又幾分面。

有人可能問，文狄都無俾過口供，點解要屈個差仔呀。

各位看官，且看小肥道來　．．．

哩野就係爵爺　ge　霸道同功架啦。

霸道，唔係話條豬膘口沒遮欄，俾爵爺聽到，小小事就睚眦必報。

爵爺係聽到；不過佢理你都嫌浪費青春啦。

爵爺霸道在，係佢眼中，一切都可以係工具，話之你係人定係物。

爵爺亦利害在幾分鐘時間已經睇同全盤，重想好成個策略　ge　方向。

至於成件事係點，有咩證據　．．．　對爵爺哩　d　級數　ge　高手黎講　．．．　重要咩。

新扎師兄口舌招尤；唔係招到爵爺怒火，係令到爵爺發現佢係一件就手　ge　工具。

守水塘，隨時係因為雞無蒜皮咁大件事，真係買棺材唔知　deng　呀條新仔。

著數哥：即刻搵人做野羅　．．．

文狄隱約聽到多小；不過無咩反應。

爵爺：唔好衝動，聽埋落去先 ja。

著數哥：．．．　．．．　．．．

爵爺：第二個選擇就係認罪　(哩句文狄聽到，都係無咩反應　．．．　上法庭，試過啦，無有怕)。

著數哥：認罪　．．．認罪　．．．認罪怕要坐監喎　(文狄抬起頭裝裝　．．．　坐監　．．．　老竇，你害你個仔坐監)。

2013-12-6 (今日)

爵爺冷笑望住文狄：坐監，哈哈，點只坐監呀；正路就判個醫院令，要佢入精神病院先叫應該呀。

文狄抬起頭，掰大口得個窿　．．．　精神病院　．．．青山原是咱新希望；呀，唔係　．．．青山原是咱身邊伴，伴著白雲在咱前，碧海是咱的心中樂，與咱風裏渡童年，當初你面對山海約誓，此生相愛永不變，想不到海山竟多變幻再也　．．．

文狄開口勒：爵叔叔　．．．　．．．　．．．

爵爺無理文狄，拉著數哥再行開　d。

爵爺轉返細聲同著數哥講　(爵爺面口由冷笑變返痛心)：著數，大家年紀都大啦，睇得佢幾耐，睇得佢幾多次呀。

著數哥：爵哥　．．．

爵爺：你睇佢頭先個表現同一路落黎　ge　心態轉變。

著數哥：鞋　．．．

爵爺：正所謂一件污兩件穢　．．．

爵爺繼續：越踩越深，越深越唔怕；唔好話你睇唔到。

著數哥：鞋　．．．

爵爺：正路唔得，使下落重藥啦。

爵爺繼續：何況，哩件事，值得要妨礙司法公正，勞師動眾，打扭紋官司咩。

爵爺搖下頭：橫掂佢鼠野哩個習慣都通曬天咯，等佢係入面冷靜下，驚下，可能重好。

咱是陳小肥

156/51484

爵爺：至於父子問題，慢慢黎啦；爵爺如是話。

爵爺跟住又話：當年你使橫手，拆散文狄　ge　忘年戀，邊個對，邊個錯，真係好難講。

著數哥：戀咩戀，哥個係寡母婆黎架；重大佢成十年。

講到家事，爵爺都唔好意思講太多，通家之好都係咁話；何況，爵爺個大人，都細爵爺十幾年。

幫人教仔都會被人笑，爵爺今次重幫人教埋老竇。

結果一　d　都無出人意表，高手出招，文狄就入左醫院。

簡單　d　講，就係文狄曾經失戀，受到刺激，壞左個腦唔知邊忽；於是就忽下忽下去　tart　野。

所以，技術上黎講，文狄偷野係有得醫　ge　；唔關劣根性事。

幾個外國成名專家都係咁講。

據聞，某律師去醫院探文狄，做埋　d　善後工作；文狄講左兩句野。

(1) 你真係當在下傻架。

(2) 哩道　d　人真係所架。

小肥點知；文狄自己爆羅。

小肥曾經提過：出黎行預左要還，但係裝彈弓拉我落“乙水 即係 taam”，我條氣就唔順。

但係，又有無想過禍福由人哩句說話呢。

明日開始講下第三條叔父 ge 鞋的故事　－　鞋口鞋面。

咱是陳小肥

(2) 哩道　d　人真係傻架。

咱是陳小肥

158/51608

江湖，係英雄地；著眼於今天，通常唔會有太多人想下明日會點。

當差，其實都差唔多；著起套皮，人家　sir　前　sir 後。

人未到已經拉開定度門等你，然後，good morning sir，good bye sir。

唔止話賭，飲飲食食，做下人情；到頭來有幾多人有錢剩；咬來咬去都係筆長糧。

風光半生，夠鐘咬糧，剝左層皮之後；清茶淡飯，又有幾多人心甘命抵。

第三條叔父係在某紀律部隊當差 ge；重係爭一步就到署長級別個隻。

退休前已經上到某前線部門主管；奈何學歷唔夠，點捱點叻都係無得再上。

雖然話係無奈；但亦值得自豪，以初中程度，有本事碌到哩個位，都稱得上係人傑。

在位之時，顯赫風光；就叫佢做風光　sir 啦。