simo

七O年代中約七四至七六年間，本澳電檢尺度突然話要跟歐洲標準，容許電影三點盡露，之後較保守的澳門居民突然間被一股黃潮推湧入電影院睇咸片，令人大開眼界。

simo

我除咗係永樂睇毛片之外, 間中都會係國華睇下外國D毛片, 兼視則明,兼聽則聰也, 嗱,有飛尾‰ ...
黃臘鯧 發表於 2012-11-27 09:54

嚴重聲明先，可能有朋友誤會，我哋係愛國戲院，絕對唔會灌輸污濁低級趣味意識畀我地同胞嘅，我地堅决抵制英美帝國主義者企圖毒害我國同胞的純潔心靈的所謂毛片！永不放毛片！只放歌頌偉大領袖毛主席影片，亦係偉大嘅“毛“片。(搞笑)

simo

係呀, 各位真係咪誤會, 我係永樂睇果d係毛主席嘅紀錄片咋, 電影就有地道游擊戰,大渡河等等. 講 ...
黃臘鯧 發表於 2012-11-27 14:27

    你一散場，一出門口就有人楂住叠黄色廣告傳單，介紹你去邊度出火，咪穿煲咯，嘻嘻！

simo

回復 8# 黃臘鯧


如果你幫襯我地愛國戲院睇“毛“片，就膛膛正正做個勇敢中國人啦！駛乜鬼鬼鼠鼠呢。

simo

國華戲院因而鹹魚翻生.....因之前的戲上座率很低......
HONG2694 發表於 2012-11-27 17:05

對，其實港澳電影業或戲院在七二、三年開始，己見漸漸被家中免費電視節目打擊，但尚未嚴重，如有些大片猛片仍全院满座，當年許氏之鬼馬雙星，半斤八両等便是，西片有鐵金剛007糸列片亦十分賣座，但隨着電視節目加强攻勢，於七七至八十年代後便見受到大衝擊了，幸好毛片就救了大部份本澳戲院。

simo

初期開放片禁時，港報大篇報導，引到尚未放寬電檢制度之香港，其居民大量湧來本澳睇毛片，引到戲院要加至每日六場，包括凌晨十二點場，港人要搭夜船黎睇，場場爆滿，期時有人笑言：大銀幕映小電影，此時期成澳門開埠以來影院黄金時期。

simo

後來，香港電檢制亦放寬，分三級，第三級只能成年人才入場之毛片，其後至八十九十年代中，影碟vcd之毛片大量有店租售，本澳影院便步入式微，一間間結業。

simo

七十年代後期，香港亦跟隨澳門放寬電檢尺度，三級級别影片容許比以前更色情及露毛鏡頭，於是港片商便大量投拍三級片……一眾肯脱清光女星被片商看中，其中連一向以純情玉女形象之李麗珍亦脫光亮相，其影片“蜜桃成熟時“十分賣座……此時期香港澳門電影業及戲院便被一股黄潮掩蓋……

simo

露點圖片可否改用link上傳唔該
小魔女 發表於 2012-11-30 08:05

合理嘅，好似我就已經唔夠秤睇成人照啦！仲有立魚丶祖 兄都係出世冇耐，唔畀得佢地睇㗎

simo

我唔睇~我驚亞媽鬧
jose1057 發表於 2012-11-30 15:04

係呀！阿媽對仔仔講：片中姐姐個個都係壞女人！  老豆就對囡囡講：片中男仔全部係壞人、咸濕佬！