返回列表 發帖

護膚小知識 :皮膚的吸收力

搽護膚品都係想皮膚吸收到應有嘅養分,今次就同大家講吓關於皮膚吸收力嘅right 同wrong,等大家可以令護膚品發揮最大功效!
Mistake 1
護膚品一搽上面就即刻消失  = 迅速吸收

無論係邊類型嘅護膚品,一搽上面就即刻覺得「彷如無物」,只有兩種可能性:一是護膚品入面含有酒精等易揮發物質,令到水分快速蒸發,二是含有矽油(silicone oil)及會分散油脂的成分,即係令油性物質更快更均勻分布喺皮膚表面,所以會有用後清爽唔油的效果,但其實同吸唔吸收無太大關係。
Mistake2
沖熱水浴或蒸桑拿時敷面膜 = 幫助吸收

毛孔係會冷縮熱脹,但唔等於好似開門閂門咁簡單。皮膚毛孔吸收嘅原理複雜得多,簡單啲講,溫度同濕度高會軟化皮膚嘅角質,加快循環,護膚品就較易進入肌膚底層。不過濕熱環境是皮膚排毒嘅好時候,所以最好之後先至做保養步驟。
Correct 1
去角質 = 提升吸收能力

去角質係有助皮膚吸收護膚品,不過同時亦容易令其他外界不良物質跑進毛孔,所以每星期去一次角質就已經非常足夠。
Correct 2
導入儀、面膜 = 促進吸收

超聲波導入儀、面膜有助更多護膚成分滲進皮膚內,即係增加滲透率。某啲面膜入面可能會有促進滲透嘅成分,所以會比單純「厚敷面霜」更有效。不過除咗有效成分之外,都會有其他物質,例如對皮膚無用甚至具刺激性的物質同時滲入皮膚,所以要小心一啲聲稱好有效嘅產品,要留意其成分。應該避免使用過多香料、色素等的產品,亦唔好對標榜「深層導入」嘅產品嘅效果期望過高。
半誤解:
年齡增加 = 皮膚吸收力下降

皮膚吸收可分為兩個程序:「角質層穿透」及「細胞滲透」,即係護膚品嘅有效成分要先通過細密嘅角質層,才可以進入皮膚,再滲透至細胞內。老化皮膚嘅角質,其屏障功能較弱,反而令成分較易進入皮膚,但同時細胞又會受體內嘅內分泌影響,可能因衰老而產生變化。
當然皮膚老化,唔係單靠搽護膚品就可以解決,即使護膚品可以全部被吸收,都只能有限度咁改善皮膚狀況,同吸收力無關係。
1

評分人數

  • 藍月亮

返回列表