伏已中！估唔到胡杏兒都係玩嘢王！ 尋日杏兒PO咗張甜笑大頭照，疑似攬住個男人，仲寫「我找到了」加心心ICON。講到咁白，大家恭喜都嚟唔切，仲有網民話喺韓國見到杏兒同胡蓓蔚、黃智雯、胡定欣一齊去旅行，唯獨是有李思捷呢個男人……唔通佢就係杏兒嘅新男友。於是又有人擔心，杏兒會唔會同舊愛Bosco一樣，搵著個背景花晒嘅新歡？ 直到今朝……杏兒嘅微博又出咗張相，係李思捷整古做怪嘅表情，又係攬住個人！吓，原來係玩嘢王？有啲網友好大反應，話係炒作。 為咗補鑊，杏兒喺中午時份亦都出返個PO解話︰ 「其實「我找到了」一班可以和我分擔喜怒哀樂的好朋友們，有你們真的很好！！也謝謝所有網友們對我的關心，知道你們真的很愛我，思捷說我做人太認真了，偶爾要玩一下，但我答應我真的不會再騙你們了！！」 佢仲PO咗去旅行嘅相，奇怪嘞！點解成班女人去旅行，會預埋李思捷呢個男人？純推測︰係咪見到公開戀情後外界反應麻麻，所以臨時轉陣，話係大整蠱？  成班女圍住，好HIGH啦？
 得戚得佢！
| 
