[現代澳門時事] = = =華納眾星 退出澳門 維穩騷= = = =

kimottt

華納發聲明指，旗下藝人將不會出席5月1 號嘅澳門演唱會。(蘋果日報)
       

被指係「澳門維穩騷」嘅澳門黑沙海灘演唱會，嚟緊5月1日勞動節舉行，原先演出單位甚多，但自從被爆係「澳門維穩騷」後，謝安琪（Kay）、 RubberBand同C AllStar先後宣佈退出，B餐Kay日前決定退出呢個騷，獲網民擊節讚賞，仲封佢做女神；反而周柏豪日前被問到會否退出呢個騷時，佢就交畀公司處理，但就話：「我唔知咩係維穩﹗」

不過，今日華納唱片旗下歌手包括官恩娜(Ella)、F.I.R.、連詩雅、周柏豪同Dear Jane，亦會退出呢個演唱會。

華納唱片公司發言人劉小姐，今日發表聲明：「公司一直本着以音樂交流演出為本。然而，出現近日之新聞令事件越來越變得複雜化，就事件公司一直跟活動籌辦方朱明鋭溝通及跟進事件，經一段時間了解後，本公司決定旗下五個原定演出之單位，將不參與當日之演出活動。」

除咗華納眾星外，就連張智霖（Chilam）都宣佈退出呢個騷，中國3D數碼作出回應：「該演唱會是澳門年度的音樂盛事，本公司亦想參與及支持，礙於近日之新聞，令事件變得複雜化，現決定旗下藝人張智霖將不參與當日之活動。」

退下一個，退下又一個，睇情形，呢張演唱會海報入面嘅演出單位，相信好快都會唔見晒......

kimottt

kimottt

現時澳門的樓價已經升超過十倍：按照目前的趨勢，
今年有望升破11-12倍，
去除所有其他問題，
我假設你想買一個450萬老舊細小、沒有電梯和管理處的單位，
你每年搵50萬(平均月薪約4萬多)不吃不喝全數供樓也要供9年。


根據統計暨普查局的資料，
澳門目前的月收入中位數約12000多，

每天起身食飯、工作、供樓、睡覺……如此反覆幾十年，
好運點的話死前可以供完，
不用交給仔女去供尾數，
得到這座破敗的樓房。

除了不用坐監和帶腳鐐之外，
你和奴隸又有甚麼分別？


各位推車仔去拱北買餸的市民，
你們有沒有想過係邊個搞到你食唔起澳門餸？
你是否想將你架車仔傳比你D仔女，
一代一代傳下去，
世世代代都推車仔去拱北買餸。