歌手不合格

黃秋生年紀唔輕了，不過依然好好火。

秋生這個人，最鍾意發表個人意見，若有他看不過眼的，便會即時發聲。日前舉行完畢的新城勁爆頒獎禮，頒發了一百五十二個獎項，最好笑的是拿了四個獎的鄧紫棋(G.E.M.)，竟然今年是冇歌入選的。她點解可以拿到獎？這已是好大疑問。另外，香港樂壇真有這麼蓬勃嗎？總之是歌手的都可以拿獎？

秋生在Facebook說看完這個頒獎禮的錄播後，好火爆咁講：“新城個音樂頒獎禮真係嚇Q死人，有的所謂歌手，連聽力都冇，係咪要搵個老師學吓唱歌呢？十個只有一個合格，搵到咁多走音鬼真難得。（班友係咪去搗亂口架？）我覺得夏金城應該重出江湖……真係戥班後生可憐。啲老鬼真……勁！”

秋生說得最啱聽的，是“老鬼真勁”。近年演唱會，真的好多“老鬼”出山，而且場場爆滿。一些新人還是以為在錄音室將歌曲執到靚靚就可出碟做歌手，但唱現場時便見真章了。若果都以這種心態在樂壇混，香港樂壇想唔死都唔得。