周秀娜封咪策騎逼爆

lwl2007

性感女神周秀娜（Chrissie）昨日化身美女騎師馴馬，雖然事先包實34D咪咪免被扽壞，豈料顧此失彼，下身不幸失守，「爆呔」露肉收場！

昨日Chrissie以騎師造型現身上水，為賽馬會《香港打吡大賽》拍攝特輯。由於只是騎在馬上擺甫士，首次策騎的她十分淡定，但她上馬時的動作幅度太大，以致爆褲露肉，幸好只是膝頭內側位「爆呔」，卻已令Chrissie火羅爆，她尷尬地說：「唔係專業騎師裝。」

可能因現場太多人圍觀，令馬匹不時頭擰擰，似乎不太耐煩，事後Chrissie坦言處女策騎有點緊張：「好在有練馬師同工作人員陪我，先至放心啲，第一次騎馬真係好好玩！之前仲幻想係長髮飄逸嗰種，好型咁，點知騎上去先發現有啲扽！（咁好身材會唔會被扽得好辛苦？）少少啦！今日已經着得好緊，有機會扽到嘅部位都已經包好晒！」

問師傅攞貼士今次為賽馬會拍攝特輯，令Chrissie增加了不少馬匹的知識，她笑說：「男朋友都有問我攞賽馬貼士，自己有試過賭馬，但只係小賭怡情囉！一陣做完嘢，我再問吓師傅攞啲勁貼士先！」繼她與男友外遊被偷影游水照後，Jessica C.和男友同樣被偷拍戲水，對此Chrissie說：「係咩？咁蹺？下次叫佢一齊騎馬玩吓。」

                                                                                                                                
首次策騎的周秀娜，雖然有些少緊張，但仍似模似樣。


                                                                                                              
周秀娜笑言要為男友問師傅攞賽馬貼士。


                                                                                                              
化身美女騎師的周秀娜，因褲子太緊，以致爆呔露肉。


                                                                                                              
周秀娜上馬時由專人傍實，小心翼翼。